नेपाली नागरिकको लागि जानकारी

 

नेपाली नागरीकलाई प्रस्थान अनुमति प्रदान गर्नुपूर्व अध्यागमन कार्यालयले छानबिन गर्ने अत्यावश्यक कागजात तथा नेपाली नागरिकसँग सरोकार राख्ने अन्य केही महत्वपूर्ण जानकारीहरु यस प्रकार छन्।

 

१. विदेशमा अध्ययन गर्न जाने विद्यार्थीहरुका लागि:

  • म्याद भएको वैध राहदानी र प्रयोजन खुलेको/ सम्बन्धित देशको भिसा
  • I-20 पत्र वा प्रवेश स्वीकृत पत्र वा सम्बन्धित शिक्षण संस्थाको पत्र
  • अन्तिम गन्तव्यस्थल सम्मको हवाई टिकट

२. वैदेशिक रोजगारीमा जाने नेपालीहरुको लागि:

  • म्याद भएको वैध राहदानी र प्रयोजन खुलेको/ सम्बन्धित देशको भिसा
  • अन्तिम गन्तव्यस्थल सम्मको हवाई टिकट
  • नेपाल सरकारको श्रम स्वीकृति

३. विदेशबाट फर्कि पुन: सोही देशमा नयाँ रोजगारीका लागि जाँदै हुनुहुन्छ ?

  • पहिले काम गरेको संस्थाले कालो सूचीमा राखे नराखेको यकिन गर्नुहोला ।

४. संस्थागत प्रयोजनमा जाने नेपालीहरुका लागि

  • आमन्त्रण पत्र
  • दुईतर्फि हवाई टिकट
  • संस्थागत आवद्धता खुल्ने कुनै कागजात
  • कम्तीमा ६ महिना म्याद भएको वैध राहदानी
  • गन्तव्यमुलुकक वैध भिसा

५.पर्यटकीय भिसा प्रयोजनामा जाने नेपालीहरुका लागि

  • म्याद भएको वैध राहदानी र यात्रा प्रयोजना सम्बन्धी भिसा
  • दुईतर्फि हवाई टिकट
  • खर्च व्यहोर्ने व्यक्ति वा संस्थाको सबै व्यहोरा खुलेको पत्र
  • होटल बुकिङ वा साथमा न्यूनतम १००० अमेरिकि डलर वा सो बराबरको विदेशी मुद्रा सटही गरेको प्रमाण

६.प्रस्थान गर्ने व्यक्ति नाबालक भएमा

  • अभिभावकसँगै जानु पर्ने वा प्रमाणित मंजुरीनामा
  • धर्मपुत्र/पुत्री भए सम्बद्ध सरकारी निकायको आधिकारिक कागजातहरु

७. विदेशबाट नेपाल आउने नेपालीहरुका लागि

  • बैध नेपाली राहदानी वा यात्रा अनुमति पत्र

८. नेपाली राहदानी हराए वा म्याद सकिएमा के गर्ने ?

  • नजिकको नेपाली दूतावासमा सम्पर्क गर्ने ।
  • राहदानी वा यात्रा अनुमति पत्र लिइ नेपाल फर्कने यदि तपाई यात्रा अनुमति पत्रमा नेपाल फर्कदौ हुनुहुन्छ भने नेपालमा राहदानी बनाइ मात्र विदेश यात्रा गर्न सक्नु हुनेछ ।

९. गैर आवासिय नेपालीहरुको लागि अध्यागमन प्रक्रिया:

  • गैर आवासिय नेपाली परिचय पत्र प्राप्त गरेको हुन पर्ने
  • उक्त परिचय पत्रका आधारमा विदेशस्थित नेपाली नियोग र अध्यागमन कार्यालयबाट अल्प अवधिका नेपालमा नि:शुल्क भिसा प्राप्त गर्न सकिन्छ । लामो अवधि नेपालमा रहनका लागि अध्यागमन विभागबाट अनिवार्य रुपमा भिसा लिनु पर्नेछ

०. यदि तपाइ विदेशमा संकट पर्नु भयो भने

  • नजिकको नेपाली दूतावास¸ महावाणिज्य दूतावास¸ कन्सुलेट जनरल¸ ICRC, UNHCR, IOM लगायत अन्य मानविय सहायता गर्ने निकायहरुमा सम्पर्क गर्नुहुन